मकवानपुरको थाहा नगरपालिकामा नेपाल कम्युनिष्ट पार्टी (माओवादी केन्द्र) का अध्यक्ष पुष्पकमल दाहाल ‘प्रचण्ड’सहित उपाध्यक्ष अग्निप्रसाद सापकोटा पनि थाहानगर आउने भएका छन् । प्रचण्ड पूर्व प्रधानमन्त्री हुन भने सापकोटा पूर्व सभामुख हुन् ।

नेकपा माओवादी केन्द्रको सहायक संगठन वाईसिएल नेपाल थाहानगर कमिटीको दोस्रो अधिवेशनमा उनीहरु थाहानगर आउन लागेका हुन् । थाहानगरको इन्द्रायणीचौरमा हुने अधिवेशन तथा जनसभालाई उनीहरुले सम्बोधन गर्ने कार्यक्रम रहेको छ ।

अध्यक्ष प्रचण्ड तथा नेता सापकोटासहितको टोली २४ कार्तिक बिहान ९ बजे चित्लाङ–चन्द्रागिरी (गणेशमान सिंह मार्ग)को हुँदै चित्लाङ आइपुग्ने जनाइएको छ । उनीहरुलाई चित्लाङबाट मोटरसाईकल ¥यालीसहित स्कर्टिङ गर्दै पालुङ ल्याउने कार्यक्रम रहेको नेकपा माओवादी केन्द्र थाहा नगरका अध्यक्ष विनोद लामाले जानकारी दिए ।

पालिका प्रेस
थप जानकारी