नेकपा माओवादी केन्द्रको सहायक संगठन वाईसिएल नेपाल थाहानगर कमिटीको दोस्रो अधिवेशनको उद्घाटन विहान ११ हुने भएको छ । वाइसिएल थाहानगर अध्यक्ष मानसिंह दोङका अनुसार–‘विहान ११ बजे थाहा नगरपालिका वडा नम्बर ३ इन्द्रायणी चौरमा अधिवेशनको माओवादी अध्यक्ष पुष्पकमल दाहाल ‘प्रचण्ड’ले उद्घाटन गर्नेछन् ।

उद्घाटनअघि प्रचण्डसहितको अतिथीहरुको चित्लाङ, बज्रवाराही तथा कुन्छालमा स्वागत गर्ने कार्यक्रम तय भएको छ । विहान करिब ९ बजे प्रचण्डसहित अतिथीहरु चित्लाङ आइपुग्ने कार्यक्रम छ । माओवादी थाहानगरले थाहा नगरपालिका वडा नम्बर १० र ६ मा अध्यक्ष प्रचण्डको विशेष स्वागत गर्ने कार्यक्रम छ । ६ नम्बर वडाको बज्रवाराही सरस्वती बजारमा बाजागाजासहित स्वागत हुने तथा विहानको खानाको कार्यक्रम पनि त्यही एक होटलमा तय भएको छ ।

अध्यक्ष प्रचण्डले थाहा नगरपालिका वडा नम्बर १ कुन्छालमा शहीद परिवारसँग भेटघाट गर्ने कार्यक्रम छ । त्यहाँ शहीद परिवार अध्यक्ष प्रचण्डबाट सम्मानित हुनेछन् । कुन्छालबाट स्थलमार्ग हुँदै थाहा नगरपालिका वडा नम्बर ३ गोपाली गाउँबाट जेसिज मार्ग हुँदै इन्द्रायणी चौरसम्म विभिन्न झाँकीसहित पदैल ¥यालीको तयारी गरिएको थाहानगर अध्यक्ष बिनोद लामाले जानकारी दिए । लामाका अनुसार–‘¥यालीमा महिला पञ्चेबाजा, तामाङहरुको झाँक्री नाँच, महिलाहरुको खैजडी, गोपालीहरुको बासुरीको धुन, नेवारहरुको धिमे बाजासहित अधिवेशनस्थल इन्द्रायणी चौर पुगिनेछ ।’

पालिका प्रेस
थप जानकारी