खानेपानी मन्त्री प्रदीप यादवले पानीका मुहान संरक्षण र पुनः स्थापनाका लागि कार्य टोली बनाएर यथाशीघ्र काम गर्नुपर्नेमा जोड दिएका छन् ।
मन्त्रालयमा २५ का्र्तिकमा आयोजित कबम खानेपानीका मूल संरक्षणका लागि अन्तर्राष्ट्रिय एकीकृत पर्वतीय विकास केन्द्र (इसिमोड)का पदाधिकारीसँगको छलफलमा उनले यस कार्यमा सहकार्य गरेर अगाडि बढ्न सकिने बताए । मन्त्री यादवले भने, “जलवायु परिवर्तनका कारण पानीका मूल सुक्न थालेका छन्, जसले गर्दा पानीको ठूलो समस्या देखिँदै छ । मुहान संरक्षणका लागि इसिमोडले लामो समयदेखि काम गर्दै आएकाले मन्त्रालय यहाँहरूसँग सहकार्य गर्न तयार छ ।”
सोही संस्थाका अनुगमन, मूल्यांकन र सिकाइ प्रमुख फरिद अहमदले मूल संरक्षण तथा संवर्द्धनमा सहकार्य गरी सिकाइ आदानप्रदान गर्न सकिने बताए । उनले सुकेका मूलको नक्सांकन, जल तथा भौगोलिक अध्ययनमा सहकार्य गर्न सकिने धारणा राखे ।
छलफलमा मन्त्रालयका सचिव ई. प्रमीलादेवी शाक्य बज्राचार्य, सहसचिव रमाकान्त दुवाडी, मिना श्रेष्ठ, मेलम्ची खानेपानी व्यवस्थापन समितिका कार्यकारी निर्देशक रत्न लामिछानेलगायतको सहभागिता रहेको थियो ।
पालिका प्रेस
थप जानकारी
प्रतिक्रिया दिनुहोस्