आरम्भ चौतारी लघुवित्त वित्तीय सस्थाको थाहा नगरपालिका वडा नम्बर ४ थानाबजारमा भएको रक्तदान कार्यक्रममा ५२ जनाले रक्तदान गरेका छन् । पालुङ वहुउद्देश्यीय सहकारी संस्थाको प्राङ्गणमा भएको उक्त कार्यक्रम पालुङ जेसिजको सहयोगमा भएको थियो ।

‘रक्तदान जीवन दान’ भन्ने मुल नराका साथ सञ्चालित कार्यक्रममा नेपाल रेड्क्रस सोसाइटी उपशाखा दामन, पालुङ, पालुङ बहुउद्देश्यीय सहकारी सस्था, लायन्स क्लब अफ थाहा पिस, लियो क्लब अफ पिस थाहा नगरको समेत समन्वय रहेको पालुङ जेसिज वर्ष २०२४ का अध्यक्ष निरज रायमाझीले जानकारी दिए । कार्यक्रममा नेपाल स्वयंसेवी रक्तदाता समाज मकवानपुरको समन्वय र केन्द्रिय रक्तसञ्चार सेवाले प्राविधिक सहयोग रहेको थियो।

कार्यक्रममा थाहा नगर प्रहरी, विभिन्न सस्थाको सदस्य, कर्मचारी, अटो चालक, ब्यबसायी तथा विभिन्न व्यक्तिहरुले रक्तदान गरेका थिए । आरम्भ चौतारी लघुबित्त वित्तीय संस्थाको केन्द्रिय कार्यक्रम अनुसार देशभरका एक सय पैत्तिस शाखामा रक्तदान कार्यक्रम गरिएको संस्थाकी श्रीजना गोपालीले जानकारी दिइन ।

पालिका प्रेस
थप जानकारी