राष्ट्रिय लोक भजन चुड्का संरक्षण प्रतिष्ठानको थाहानगर समिति गठन गरिएको छ । थाहा नगरपालिका–३ स्थित विकास घरमा भएको प्रथम अधिवेशनबाट सुष्मा केसीको अध्यक्षतामा १५ सदस्यीय नगर समिति चयन गरिएको हो ।

समितिको उपाध्यक्षमा सावित्री केसी, सचिवमा दिपा थापा, कोषाध्यक्षमा रञ्जिता बराल, सहसचिवमा राजेन्द्र बस्नेत र सहकोषाध्यक्षमा भगवती केसी चयन भएका छन् । यस्तै सदस्यहरूमा सुनिता थोकर, संगिता अर्याल, जानुका अधिकारी, मथुरा खत्री, एलिना पाण्डे, मन्जु खत्री, सावित्री केसी, देवकी खत्री, तुलसी अधिकारी र देवकी बिडारी रहेका छन् ।

कार्यक्रममा थाहा नगरपालिकाका उपप्रमुख भरत गोपाली प्रमुख अतिथि थिए भने प्रतिष्ठान मकवानपुरकी अध्यक्ष रुक्मिणी सुवेदी विशिष्ट अतिथि थिइन् । साथै कार्यक्रममा केन्द्रिय सदस्य नवीन पौडेल, नारायण रेग्मी, वडा नम्बर ३ का वडा अध्यक्ष हिरेन्द्र कुमार रायमाझी लगायतको उपस्थिति रहेको थियो ।

कार्यक्रमलाई सम्बोधन गर्दै उपप्रमुख गोपालीले राष्ट्रिय पहिचान बोकेको भजन, चुड्का र मौलिक सांस्कृतिक सम्पदाको संरक्षण र प्रवद्र्धनका लागि प्रतिष्ठानको भूमिका महत्वपूर्ण रहेको उल्लेख गरे । उनले मौलिक सांस्कृतिक परम्परालाई नयाँ पुस्तामा हस्तान्तरण गर्न प्रतिष्ठानको सक्रियता आवश्यक भएको उल्लेख गरे । कार्यक्रममा विभिन्न वक्ताहरूले संस्कृति, लोक परम्परा र समुदायमा भजन–चुड्काको महत्वबारे प्रकाश पारेका थिए ।

पालिका प्रेस
थप जानकारी