आगामी ९ मंसिरदेखि १५ मंसिरसम्म सञ्चालन हुने प्रथम थाहा फिल्म फेस्टिभलमा प्रदर्शनीका लागि डकुमेन्ट्री निर्माण शुरु गरिएको छ । डकुमेन्ट्रीका लागि थाहा नगरपालिकाका पर्यटकीय गन्तव्य स्थलहरुलाई समेटेर छायाँकन शुरु गरिएको फेस्टिभल कार्यक्रम संयोजक प्रमोद जोशीले जानकारी दिए ।

अहिलेसम्म ५० प्रतिशत छायाँकन सकिएको संयोजक जोशीले बताए । मकवानपुरमै पहिलोपटक आयोजना गर्न लागिएको फिल्म फेस्टिभलमा थाहानगरलाई पर्यटकीय दृष्टिकोणबाट चिनाउनेगरी डकुमेन्ट्री निर्माण गरेर प्रदर्शनी गर्ने आयोजकको योजना छ । भेस्टिभलमा छनोटमा परेका नेपाली कथानक चलचित्र, लघुचलचित्र, डकुमेन्ट्री, भ्लग आदिको प्रदर्शनी गरिने फेस्टिभलको संयोजक संस्था थाहा कलाकेन्द्रले जनाएको छ ।

बागमती प्रदेश सरकार र थाहा नगरपालिकाको आयोजनामा थाहा फिल्म फेस्टिभल हुन लागेको हो । थाहा नगरपालिकालाई मिनी फिल्म सिटीको रुपमा विकास गरेर आन्तरिक रोजगारी र आम्दानी वृद्धि गर्ने कार्यक्रमले लक्ष्य राखेको छ ।

पालिका प्रेस
थप जानकारी