मकवानपुर थाहा नगरपालिकाको गोपाली गाउँमा वृहत साँस्कृतिक कार्यक्रम हुने भएको छ । ऐतिहासिक तीनवर्षे इन्द्रायणी जात्राको अवसर पारेर गोपाली साँस्कृतिक साँझले १९ मंसिरमा कार्यक्रम आयोजना गर्न लागेको हो ।

वृहत साँस्कृतिक कार्यक्रममा स्थानीय तथा राष्ट्रिय कलाकारहरुको प्रस्तुति रहने गोपाली साँस्कृतिक साँझका अध्यक्ष सुशान्त गापालीले जानकारी दिए । थाहा–३ को गोपाली गाउँमा हुने कार्यक्रममा गायक शिव परियार तथा न्हुज ब्याण्ड र स्थानीय कलाकारहरुको समेत प्रस्तुति रहने अध्यक्ष गोपालीले जानकारी दिए । कार्यक्रम गोपालीगाउँमा १९ मंसिर अपरान्ह ४ बजेबाट शुरु हुने आयोजकले जनाएको छ ।

औद्योगिक शान्ति नेपालले व्यवस्थापन गर्ने उक्त कार्यक्रममा थाहा नगरपालिका वडा नम्बर ३ को कार्यालय, गोपाली समाज, शिखर क्लब, शिखरकोट बजार व्यवस्थापन समिति, नवजागरण मासिक बचत समूह, बजार व्यवस्थापन समिति शिखरकोट सह आयोजक रहेका छन् ।
कार्यक्रमको अफिसियल मिडिया पालिका प्रेस डटकमलगायतका मिडियाहरु रहेका छन् ।

पालिका प्रेस
थप जानकारी