बागमती प्रदेश प्रमुख दीपक प्रसाद देवकोटाले लोकसेवा आयोग बागमती प्रदेश सदस्यमा रामबहदुर खड्का नियुक्त गरेका छन् । प्रदेश प्रमुख देवकोटाले खड्कालाई १३ मंसिरमा सदस्यमा नियुक्त गरेका हुन् ।
प्रदेश लोक सेवा आयोग ऐन, २०७६ को दफा ३ को उपदफा १ बमोजिम गठित सिफारिस समितिको सिफारिसमा सोही ऐनको दफा ४ को उपदफा २ बमोजिम खड्कालाई सदस्य पदमा नियुक्त गरिएको हो । तत्कालिन सदस्य सुदर्शन ढकालले ११ कात्तिकदेखि लागु हुने गरी २ कात्तिकमा राजिनामा दिएपछि यो पद रिक्त थियो ।
बागमती प्रदेश दोलखा जिल्लाका गौरिशंकर गाउँपालिका ५ का खड्कालाई प्रदेश लोक सेवा आयोगको सदस्यमा नियुक्तिको लागी २ मंसिर २०८१ को मन्त्रिपरिषदको बैठकको प्रदेश प्रमुख समक्ष सिफारीस गर्ने निर्णय गरेको थियो ।
५ मंसिरमा प्राप्त सिफारिस अनुसार उनलाई प्रदेश प्रमुख देवकोटाले सदस्य पदमा नियुक्त गर्नु भएको हो । उनको सपथ ग्रहण अर्को साता हुने प्रदेश प्रमुख कार्यालयले जनाएको छ ।
पालिका प्रेस
थप जानकारी
प्रतिक्रिया दिनुहोस्