इलाका प्रहरी कार्यालय पालुङमा सरुवा भई आएकी प्रहरी निरीक्षक (इन्सपेक्टर) रुक्सा बज्राचार्यलाई थाहा नगरपालिकामा स्वागत गरिएको छ । १४ कार्तिकमा नगरपालिकामा एक कार्यक्रमको आयोजना गरी इन्सपेक्टर बज्राचार्यलाई स्वागत गरिएको हो ।

उनलाई थाहा नगरपालिकाका नगर प्रमुख विष्णु बहादुर विष्ट, उपप्रमुख भरत गोपाली तथा प्रमुख प्रशासकीय अधिकृत निरज पौडलले खादा लगाएर स्वागत गरेका हुन् । सो अवसरमा थाहानगरको सुरक्षा व्यवस्था र यहाँको वस्तुस्थितीका विषयमा समेत छलफल भएको थियो । कार्यक्रममा प्रहरी निरीक्षक बज्राचार्यले सबैको सहयोगमा प्रहरीले सुरक्षालाई मजबुद बनाउन सकिने बताउँदै अन्तर कार्यालय समन्वय गर्ने प्रतिवद्धता व्यक्त गरिन् । सो अवसरमा नगर प्रमुख विष्टसहितले यस अघि पनि प्रहरी कार्यालयसँगको समन्वयमा काम गर्दै आएको बताउँदै यसलाई निरन्तरता दिने बताए ।

कार्यक्रममा नगर प्रमुख विष्ट, उपपप्रमुख गोपाली, प्रमुख प्रशासकीय अधिकृत पौडेल, प्रशासन महाशाखा प्रमुख नविन खालिङ, आर्थिक प्रशासन शाखा प्रमुख अमर जिसी, सामाजिक विकास शाखा प्रमुख अनिल लामिछाने, सूचना अधिकारी सुजकुमार भुजेल, नगर प्रहरीलगायतकाको उपस्थिती रहेको थियो । बज्राचार्य नेपाल प्रहरी अपराध अनुसन्धान कार्यालय कास्कीबाट सरुवा भई आएकी बज्राचार्य १३ कार्तिका हाजिर भएकी हुन् ।

पालिका प्रेस
थप जानकारी